1. |
||||
There was a lad was born in Kyle,
But whatn'a day, o' whatn'a style
I doot it's hardly worth the while
Tae be sae nice wi' Robin
Chorus
For Robin was a rovin' boy,
A rantin' rovin' rantin' rovin',
Robin was a rovin' boy,
A rantin' rovin' Robin.
Oor Monarch's hindmost year but ane,
Was five and twenty days begun'
'Twas then a blast o' Januar' win'
Blew hansel in on Robin.
The gossip keekit in his loof,
Quo' scho,"Wha' lives shall see the proof,
This waly boy will be nae cuif;
I think we'll ca' him Robin".
He'll hae misfortunes great and sma'
But aye a heart abune them a'
He'll be a credit tae us a';
We'll a' be prood o' Robin.
But sure as three times three mak' nine,
I see by ilka score and line,
This chap will dearly like oor kin'
So leeze me on thee, Robin.
"Guid faith," quo' scho, "I doubt you Sir,
Ye'll gar the lasses lie aspar;
But twenty fauts ye may hae waur-
So blessins on thee, Robin."
Glossary
Kyle-old district of Ayrshire
whatna- whatever, no matter
doot- doubt
ane- one
hansel- good luck gift
gossip-midwife
keekit- peeked or glanced
loof- palm of the hand
scho- she
wha'- whoever
waly- healthy
cuif- fool
abune- above
prood- proud
ilka- every
oor kin'- our kind; humanity
leeze me on thee- here's to you
gar- make
aspar- with legs apart
fauts- faults
hae waur- have worse
|
||||
2. |
||||
Chorus
Green grow the rashes, O;
Green grow the rashes, O;
The sweetest hours that e'er I spend,
Are spent amang the lasses, O.
There's nought but care on ev'ry han',
In ev'ry hour that passes, O:
What signifies the life o' man,
If 't was nae for the lasses, O?
Green grow, &c.
The war'ly race may riches chase,
An' riches still may fly them, O;
An' tho' at last they catch them fast,
Their hearts can ne'er enjoy them, O.
Green grow, &c.
But gie me a cannie hour at e'en,
My arms about my dearie, O;
An' war'ly cares, an' war'ly men,
May a' gae tapsalteerie, O!
Green grow, &c.
For you sae douce, ye sneer at this;
Ye're nought but senseless asses, O:
The wisest man the warl' e'er saw,
He dearly lov'd the lasses, O.
Green grow, &c.
Auld Nature swears, the lovely dears
Her noblest work she classes, O:
Her prentice han' she try'd on man,
An' then she made the lasses, O.
Green grow, &c.
Glossary
rashes- reeds
warly- worldly
gie- give
cannie- comfortable
tapsalteerie- upside down
douce- delicate
|
||||
3. |
||||
O wha my babie-clouts will buy?
O wha will tent me when I cry?
Wha will kiss me where I lie?
The rantin' dog, the daddie o't.
O wha will own he did the faut?
O wha will buy the groanin maut?
O wha will tell me how to ca't?
The rantin' dog, the daddie o't.
When I mount the creepie-chair,
Wha will sit beside me there?
Gie me Rob, I'll seek nae mair,
The rantin' dog, the daddie o't.
Wha will crack to me my lane?
Wha will mak me fidgin' fain?
Wha will kiss me o'er again?
The rantin' dog, the daddie o't.
Glossary
Wha- who
clouts- diapers
tent- heed
rantin' -raucous, carefree
faut- fault
Groanin' maut- whisky for the midwife
How to ca't- what to name it
creepie chair- stool of repentance in church
nae mair- no longer
Crack- chat
my lane- my loneliness
fidgin' fain- eagerly ready
|
||||
4. |
O' A' the Airts [2:50]
02:51
|
|||
Of a' the airts the wind can blaw,
I dearly like the west,
For there the bonie lassie lives,
The lassie I lo'e best:
There's wild-woods grow, and rivers row,
And mony a hill between:
But day and night my fancys' flight
Is ever wi' my Jean.
I see her in the dewy flowers,
I see her sweet and fair:
I hear her in the tunefu' birds,
I hear her charm the air:
There's not a bonie flower that springs,
By fountain, shaw, or green;
There's not a bonie bird that sings,
But minds me o' my Jean.
Glossary
airts -directions
row- roll
mony- many
shaw-hillside
|
||||
5. |
||||
6. |
||||
Ye banks and braes o' bonie Doon,
How can ye bloom sae fresh and fair?
How can ye chant, ye little birds,
And I sae weary fu' o' care!
Thou'll break my heart, thou warbling bird,
That wantons thro' the flowering thorn:
Thou minds me o' departed joys,
Departed never to return.
Aft hae I rov'd by Bonie Doon,
To see the rose and woodbine twine:
And fondly sae did I o' mine;
Wi' lightsome heart I pu'd a rose,
Fu' sweet upon its thorny tree!
And my fause Luver staw my rose,
But ah! he left the thorn wi' me.
Glosary
brae- small hill
wantons- skips about
pu'd -picked
fu' -full
fause- false
Luver- lover
staw- stole
|
||||
7. |
||||
Oh Willie brewed a peck o' maut
An' Rob and' Allan cam tae see
Three blyther lads that leelang nicht
Ye wadna fin' in Christendie
Chorus
We are na' fou, we're no that fou
But just a drappie in oor e'e
The cock may craw, the day may daw
But aye we'll taste the barley bree
Here are we met three merry boys
Three merry boys I trow are we
And mony a nicht we've merry been
And mony mair we hope tae be
It is the moon; I ken her horn
That's blinkin' in the lift sae hie
She shines sae bricht tae wile us hame
But, by my sooth, she'll wait a wee
Wha first shall rise an' gang awa'
A cuckold coward loon is he
Wha last beside his chair shall fa'
He is the king amang us three
Glossary
maut - malt
fou- drunk
leelang- whole entire
Christendie-all Christian lands
Just a drappie in oor e'e- only slightly
craw- crow
daw- dawn
barley bree- ale
trow- swear, believe
mony- many
nicht- night
mair- more
ken her horn- see her crescent
blinkin' in the lift- shining in the sky
sae bricht- so bright
tae wile us hame- to lure us home
by my sooth- truthfully
a wee- a bit
gang awa'- go away
cuckold- wimpy or hen-pecked
loon- fellow
|
||||
8. |
||||
he Deil cam fiddlin thro' the town,
And danc'd awa wi' th' Exciseman!
And ilka auld wife cries: -'Auld Mahoun,
I wish ye luck o' the prize, man!
Chorus
The Deil's awa, the Deil's awa,
The Deil's awa wi' th' Exciseman!
He's danc'd awa, he's danc'd awa,
He's danc'd awa wi' th' Exciseman!
We'll mak oor maut, we'll brew oor drink
We'll laugh, sing, and rejoice, man,
And monie braw thanks to the meikle black Deil,
That danc'd awa wi' th' Exciseman!
There's threesome reels, there's foursome reels,
There's hornpipes and strathspeys, man,
But the ae best dance ere cam to the land
Was The Deil's Awa wi' th' Exciseman!'
Glossar
De' il- devil
awa' - away
ilka- every
auld- old
maut- malt
monie braw- many great
meikle- brawny
threesome reels,foursome reels,
hornpipes and strathspeys- various Scottish country dances
|
||||
9. |
||||
My heart's in the Highlands, my heart is not here,
My heart's in the Highlands, a-chasing the deer;
Chasing the wild-deer, and following the roe,
My heart's in the Highlands, wherever I go.
Farewell to the Highlands, farewell to the North,
The birth-place of Valour, the country of Worth;
Wherever I wander, wherever I rove,
The hills of the Highlands for ever I love.
Farewell to the mountains, high-cover'd with snow,
Farewell to the straths and green vallies below;
Farewell to the forests and wild-hanging woods,
Farewell to the torrents and loud-pouring floods.
My heart's in the Highlands, etc.
|
||||
10. |
||||
Fareweel to a' our Scottish fame
Fareweel our ancient glory
Fareweel e'en to the Scottish name
So famed in martial story
Now Sark runs to the Solway sands
And Tweed runs to the ocean
To mark where England's province stands
Such a parcel o' rogues in a nation
What force or guile could not subdue
Through many warlike ages
Is wrought now by a coward few
For hireling traitor's wages
The English steel we could disdain
Secure in valour's station
But English gold has been our bane
Such a parcel o' rogues in a nation
O would ere I had seen the day
That treason thus could sell us
My auld grey heid had lien in clay
Wi' Bruce and loyal Wallace
But pith find power till my last hour
I'll mak this declaration
We're bought and sold for English gold
Such a parcel o' rogues in a nation
|
||||
11. |
||||
12. |
A Man's a Man [4:05]
04:07
|
|||
Is there for honest poverty
That hings his head, an' a' that?
The coward-slave, we pass him by --
We dare be poor for a' that!
For a' that, an' a' that,
Our toils obscure, an' a' that,
The rank is but the guinea's stamp,
The man's the gowd for a' that.
What though on hamely fare we dine,
Wear hoddin grey, an' a' that?
Gie fools their silks, and knaves their wine --
A man's a man for a' that.
For a' that, an' a' that,
Their tinsel show, an' a' that,
The honest man, tho' e'er sae poor,
Is king o' men for a' that.
Ye see yon birkie ca'd 'a lord,'
Wha struts, an' stares, an' a' that?
Tho' hundreds worship at his word,
He's but a cuif for a' that.
For a' that, an' a' that,
His ribband, star, an' a' that,
The man o' independent mind,
He looks an' laughs at a' that.
A prince can mak a belted knight,
A marquis, duke, an' a' that!
But an honest man's aboon his might --
Guid faith, he mauna fa' that!
For a' that, an' a' that,
Their dignities, an' a' that,
The pith o' sense an' pride o' worth
Are higher rank than a' that.
Then let us pray that come it may
(As come it will for a' that)
That Sense and Worth o'er a' the earth
Shall bear the gree an' a' that!
For a' that, an' a' that,
It's comin yet for a' that,
That man to man the world o'er
Shall brithers be for a' that!
Glossary
coward-slave- slave to cowardice
gowd- gold
hamely fare-ordinary food
hoddin grey- course clothing
birkie- dandy fellow
cuif- a dolt
aboon- above
fa'- fault
bear the gree- have the first place
brithers- brothers
|
||||
13. |
||||
Should auld acquaintance be forgot,
And never brought to mind?
Should auld acquaintance be forgot,
And days o' lang syne?
Chorus
For auld lang syne, my jo,
For auld lang syne,
We'll tak a cup o' kindness yet,
For auld lang syne
We twa hae rin aboot the braes,
And pu'd the gowans fine;
But we've wander'd mony a weary foot
Sin auld lang syne
We twa hae paidlet i' the burn,
Frae mornin' sun till dine:
But seas between us braid hae roar'd,
Sin auld lang syne.
And there's a hand, my trusty fiere,
And gie's a hand o' thine,
And we'll tak a right gude willie waught,
For auld land syne
And surely ye'll be your pint-stowp,
And surely I'll be mine;
And we'll tak a cup o' kindness yet,
For auld lang syne.
Glossary
auld - old
lang syne- long ago
my jo- an endearment
twa- two
hae rin aboot the braes- have run over the hills
pu'd the gowans- picked daisies
mony a weary foot- many long journeys
Sin- since
paidlet- paddled
burn- stream
braid- broad
fiere- friend, brother
gie's- give me
richt gude willie waught- a good swig
pint-stowp- measure of drink (to each their own)
|
Streaming and Download help
Castlebay recommends:
If you like Castlebay, you may also like:
Bandcamp Daily your guide to the world of Bandcamp